ගාලු කොටුව

Search

Share Us

Counter

Blog Pages

Like Us On Facebook

Visit Island Lanka

දකුණු ලකේ අගනගරය ලෙස ගාල්ල හැදින්වියහැක.මෙහි වැදගත් ස්ථානයක් වන්නේ ගාලු කොටු පවුරයි.ගාලු කොටුව යනු ගාල්ල ප්‍රදේශයේ පිහිටි පෘතුගීසීන් විසින් ඉදිකරන ලද බලකොටුවකි. පසුව එය 17 වන සියවසේදී ලන්දේසීන් විසින් නවීකරණය කරන ලද අතර මේ වන විට එය අවුරුදු 400 ක අතීතයකට හිමිකම් කියයි. වර්තමානයේ කොටුවට පිවිසීම සඳහා දොරටු දෙකක් භාවිතා කෙරේ රජයේ කාර්යාල ගොඩනැගිලි රැසක්ම කොටු පවුර ආශ්‍රිතව වර්තමානය දක්වා ම පවත්වගෙන යන ලදි. නමුදු මේ වන විට ඒවා ටිකින් ටික විතැන් කරමින් පවතී. ලොක උරුමයක් ලෙස නම් කරන ලද ගාලු කොටුව සුන්දර මෙන්ම ඉපැරණි වස්තුවකි. ගාලු කොටුව පිහිටා තිබෙන්නේ ශ්‍රී ලංකාවේ ගිනිකොණ මුහුදු තීරයේ ය .එය 1588 දී පෘතුගීසින් විසින් නිමවූවකි.පසුව ලන්දේසීන් විසින් එය 17 වන ශත වර්ෂයේදී පුළුල් ලෙස නවීකරණය කරන ලදී.එය පෘතුගීසින් විසින් ලොවට දායාද කල ආශ්චර්යමත් නිමැවුමකි.ගාලු කොටුව පෞරාණික වටිනාකමකින් උක්ත බව එක්සත් ජාතීන්ගේ සංවිධානය විසින් පිළිගෙන ඇත.එය ලන්දේසි කොටුව හෝ ගාල්ලේ පවුර ලෙස හදුන්වයි.ලන්දේසි කොටුව ප්‍රතිසංස්කරණය කරන ලද්දකි.ගාලු කොටුව ශ්‍රීලංකාවේ ප්‍රධාන සංචාරක ආකර්ශනයකට හිමිකම් කියන ප්‍රදේශයකි. එය ශ්‍රීලංකාවට ඇති වාස්තුවිද්යාත්මක සහ පුරාවිද්යාත්මක දායාදයකි.


ආරුකුවකින් ඇතුල් වූ විට උමගක් තුලින් ගොස් පඩිපෙලක් නැග බලකොටුවට ඇතුල් විය යුතුය. පෘතුගීසින් ගෙන් ගාලු නගරය ලන්දේසි අත්පත් කර ගැනීමට පෙර එය පෘතුගීසින් ගේ ප්‍රධාන පරිපාලන නගරය විය. ඔවුන් 1588 දී බලකොටුව නිර්මාණය කිරීමට පටන් ගත් බව ඉතිහාසයේ සඳහන් වුවද පෘතුගීසින් විසින් ඉදිකළ බව කියන සාක්ෂි කිසිවක් ඉතිරි වී නැත. ගාලු කොටුව තුල ගාල්ල පැරණි නගරය පවතින අතර එම පවුර මගින් නගරයට ආරක්ෂාව සැලසුබව විදහා පායි. 17 ත් වන ශත වර්ෂයේ බලකොටු නිර්මාණය කිරීමේ තාක්ෂණය සඳහා ලෝකයේ පවතින ප්‍රමුඛ උදාහරණය ලෙස යුනෙස්කෝව ශ්‍රී ලංකාවේ ගාලු කොටුව නම් කර ඇති අතර එය අපට අභිමානයකි. 20 වන ශත වර්ෂය ආරම්භයේදී ඉංග්‍රී‍සින් විසින් ඉදිකළ ප්‍රදීපාගාරය හා අනිකුත් ඉංග්‍රී‍සි ගෘහ නිර්මාණය අනුව ඉදිකළ ගොඩනැගිලි ගාලු කොටුවේ සුන්දරත්වය ඔපවත් කරයි.


නමුත් කණගාටුවට පත්විය යුතු දේ අතර සමහර ශ්‍රී ලංකීකයන් විසින් තමන්ගේ නම් ලියා මෙම වටිනා පුරාවස්තුව කෙලෙසා තැබීම ප්‍රධාන තැනක් ගත්තේය. එලෙසම සමහර ජෝඩු අශිලකාරී ලෙස හැසිරීමට ගාලු කොටුව තෝරාගෙන සිටීම පුදුමය දනවන කරුණක් විය.